1 верасня ва ўстанове адукацыі адбылася ўрачыстая лінейка, прысвечаная пачатку новага 2025/2026 навучальнага года, Дню ведаў і Году добраўпарадкавання.
Святочнае мерапрыемства адкрыла дырэктар установы Хамёнка Галіна Васільеўна. Яна павіншавала навучэнцаў, настаўнікаў, бацькоў і гасцей з пачаткам новага навучальнага года, адзначыўшы дасягненні мінулага года, традыцыі, гісторыю ўстановы і перспектывы яе развіцця.
Ганаровыя госці свята таксама звярнуліся да прысутных з віншаваннямі і ўручылі падарункі вучням і ўстанове адукацыі.
Для шасці першакласнікаў гэты Дзень ведаў стаў першым школьным святам. Яны з захапленнем слухалі першы школьны загад і прымалі віншаванні ад старшакласнікаў.
Завяршылася свята традыцыйным першым школьным званком, які паклікаў усіх вучняў у свет цікавых адкрыццяў і новых ведаў.
